Coppersmith Barbet अर्थात् तांबट हा पक्षी जगभर Garden Bird म्हणून ओळखला जातो. या पक्ष्याचे जीवनचक्र जवळून पाहण्याची संधी लेखकाला मिळाली आणि त्यातून तांबट या पुस्तकाचा जन्म झाला. हे पुस्तक ‘ग्रंथाली’ या प्रकाशन संस्थेने प्रसिद्ध केले असून विक्रीसाठी उपलब्ध आहे. निसर्गप्रेम आणि वैज्ञानिक दृष्टिकोन  या दोन पंखावरून भरारत लेखकाने एका पक्ष्याचा सृजनसोहळा अतिशय लालित्यपूर्ण पद्धतीने वैश्विक पातळीवर नेऊन ठेवला आहे. मराठीतील सुप्रसिद्ध कथाकार शांताराम अर्थात के.ज. पुरोहित यांनी हे पुस्तक वाचल्यावर लेखकाला पत्र पाठवून “ज्ञान आणि आनंद देणाऱ्या तुमच्या लेखणीला नमस्कार” अशी उत्स्फूर्त प्रतिक्रिया दिली आहे. सुप्रसिद्ध ‘ॲड गुरु’ गोपी कुकडे यांनी केलेली या पुस्तकातील रेखाटनेही आणि अर्थातच मुखपृष्ठही अप्रतीम झाले आहे.